თებერვალში მიუნხენის უსაფრთხოების კონფერენციის ფარგლებში გამართული შეხვედრის შემდეგ აშშ-ის თავდაცვის მდივნის მოვალეობის შემსრულებელი პატრიკ მ. შანაჰანი საქართველოს თავდაცვის მინისტრს ლევან იზორიას წერილს უგზავნის და აშშ-საქართველოს ორმხრივი თანამშრომლობის გაძლიერების საქმეში შეტანილ წვლილს აღნიშნავს, ასევე, იმედს გამოთქვამს, რომ ორ ქვეყანას შორის თავდაცვისა და დიპლომატიის სფეროში თანამშრომლობა გაგრძელდება.
“3/10/2019
მის აღმატებულებას, ლევან იზორიას
თავდაცვის მინისტრს
საქართველო, თბილისი
ძვირფასო ბატონო მინისტრო,
სასიამოვნო იყო თქვენთან და პრემიერ-მინისტრ ბახტაძესთან შეხვედრა მიუნხენის უსაფრთხოების კონფერენციაზე. ვაფასებ, თქვენი და თქვენი გუნდის უდიდეს ძალისხმევას აშშ-საქართველოს ორმხრივი ურთიერთობის გაძლიერების საქმეში და ჩვენს მხარდამხარ ავღანეთში მებრძოლი ქართველი ჯარისკაცების მიერ გაღებულ მსხვერპლს.
კიდევ ერთხელ დიდ მადლობას გიხდით შესანიშნავი დისკუსიისთვის. ველი თქვენთან თანამშრომლობის გაგრძელებას დიპლომატიისა და თავდაცვის მიმართულებით.
პატრიკ მ. შანაჰანი
აშშ-ის თავდაცვის მდივნის
მოვალეობის შემსრულებელი”
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.