ქვემო სვანეთის მოსახლეობა ჰესების მშენებლობას აპროტესტებს. მცირე ჰესის „ხელედულა 3“-ის მშენებლობის საკითხზე ლენტეხში ხელისუფლების წარმომადგენლებსა და ადგილობრივებს შორის მწვავე დაპირისპირება მოხდა.
ლენტეხში ჩასულ ეკონომიკის მინისტრის მოადგილე ნათია თურნავას, სოზარ სუბარსა და დეპუტატ ვიქტორ ჯაფარიძეს, რომლებსაც „ხელედულა 3“-ის მშენებლობასთან დაკავშირებული პროექტის საჯარო განხილვა უნდა გაემართათ, ადგილობრივებმა შენობაში შესვლის საშუალება არ მისცეს.
ქვემო სვანეთის მოსახლეობა აცხადებს, რომ ჰიდროელექტროსადგურის ასაშენებლად კომპანია გვირაბების მოწყობას გეგმავს იმ ტერიტორიაზე, სადაც მეწყერული პროცესების გააქტიურებაა მოსალოდნელი.
„ბოლომდე ვიბრძოლებთ, რომ ეს ჰესი არ გაკეთდეს. ეს მთავრობაც წავა, სხვა მთავრობაც წავა და ეს ჰესი არ გაკეთდება", უთხრა ერთ-ერთმა ადგილობრივმა სოზარ სუბარს.
ხელისუფლების წარმომადგენლები კი აცხადებენ, რომ ჰესის მშენებლობა ადგილობრივ მცხოვრებლებს არ დააზარალებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.