წყალტუბოში წყლის საერთაშორისო დღე აღინიშნა. მუნიციპალიტეტის მერმა, გრიგოლ იოსელიანმა ბაღდათის მუნიციპალიტეტის ახალგაზრდები მიიღო და სიმბოლური საჩუქრები გადასცა. 15 წყალტუბოელი ახალგაზრდა კი, ბაღდათის მუნიციპალიტეტში გაემგზავრა, სადაც წარადგინეს საინტერესო პრეზენტაციები წყალტუბოს უნიკალური სამკურნალო წყლის შესახებ.
,,დღეს ჩვენს ქვეყანაში და მთელ მსოფლიოში წყლის საერთაშორისო დღე აღინიშნება. ეს დღე შეახსენებს ყველას, რომ რაციონალურად და ეკონომიურად უნდა გამოვიყენოთ წყლის რესურსები. წყალტუბო და საირმე სამკურნალო კურორტებია, ჩვენ 2017 წელს გავხდით „ევროპის ისტორიული თერმული ქალაქების ასოციაციის" წევრები, მონაწილეობა მივიღეთ „ევროპის ისტორიული თერმული ქალაქების გენერალურ ასამბლეაში, დავესწარით მნიშვნელოვან შეხვედრებსა და პრესკონფერენციებს. რაც ვფიქრობ სასიკეთოდ აისახება სამკურნალო ტურიზმის განვითარებაზე'', განაცხადა გრიგოლ იოსელიანმა.
ოფიციალური შეხვედრის დასრულების შემდეგ, სტუმრებმა ,,პრომეთეს’’ მღვიმის საკონფერენციო დარბაზში გადაინაცვლეს, სადაც გაიმართა პრეზენტაციები წყალტუბოსა და ბაღდათის სამკურნალო წყლების თემებზე. ა(ა)ი.პ წყალტუბოს მუნციპალიტეტის ,,ბავშვთა და ახალგაზრდობის ცენტრის’’ ეკოლოგიის წრის (ხელმძღვანელი ცირა ბერეკაშვილი) წევრებმა, სკოლა ,,ოცნების’’ X კლასის მოსწავლეებმა: მარიამ კუხალაშვილმა, ქრისტინე ფანცხავამ, ნონა აკიმჩევმა თავიანთ პრეზენტაციებში საზოგადოებას გააცნეს მასალები წყალტუბოს ისტორიისა და კარსტული მღვიმეების შესახებ.
ა(ა)იპ ,,წყალტუბოს მუნიციპალიტეტის ტურიზმის განვითარების ცენტრში’’ გაიმართა შეხვედრა, რომელზეც ახალგაზრდებს წარუდგინეს პრეზენტაციები წყალტუბოს ტურისტული პოტენციალის შესახებ.
სტუმრებმა დაათვალიერეს ბალნეოლოგიური ცენტრი „Be healthy“-ი და „ბალნეოკურორტი წყალტუბო“.
წყლის საერთშორისო დღესთან დაკავშირებით წყალტუბოში დაგეგმილი ღონისძიებების ჩატარება მერიის კულტურის, განათლების სპორტისა და ახალგაზრდობის სამსახურმა უზრუნველყო.
ინფორმაციას წყალტუბოს მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.