ამერიკის შეერთებული შტატების პრეზიდენტმა დონალდ ტრამპმა განაცხადა, რომ მან გასცა ბრძანება, რომელიც ჩრდილოეთ კორეის წინააღმდეგ ახლახან დაწესებული სანქციების მოხსნას ითვალისწინებს.
„თვითერზე“ გაკეთებულ განცხადებაში ტრამპმა აშშ-ის ფინანსთა სამინისტროს მიერ „დამატებითი ფართო მასშტაბის სანქციების“ გაუქმების შესახებ აღნიშნა, მაგრამ ჯერჯერობით უცნობია კონკრეტულად რომელი სანქციები იქნება გაუქმებული.
„დღეს ფინანსთა სამინისტროს მიერ გამოცხადდა, რომ ჩრდილოეთ კორეაზე უკვე არსებულ სანქციებზე დამატებით ფართო მასშტაბის სანქციები იქნება დაწესებული.
მე გავეცი ბრძანება, რომ ეს დამატებითი სანქციები მოიხსნას!“ - დაწერა ტრამპმა „თვითერზე“.
თავის დროზე უსაფრთხოების საკითხებში აშშ-ის პრეზიდენტის მრჩეველმა, ჯონ ბოლტონმა ფინანსთა სამინისტროს სანქციებს „მნიშვნელოვანი“ უწოდა.
თეთრი სახლის პრეს მდივანს სარა სანდერსს არ დაუკონკრეტებია თუ რომელი სანქციების შესახებ საუბრობდა პრეზიდენტი. მან თქვა: „პრეზიდენტ ტრამპს მოსწონს თავმჯდომარე კიმი და იგი არ ფიქრობს, რომ ეს სანქციები საჭიროა“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.