საქართველოს საგარეო საქმეთა სამინისტრო ერაყის რესპუბლიკის ქ. მოსულთან ახლოს, მდინარე ტიგროსზე ბორანის ჩაძირვასთან დაკავშირებით განცხადებას ავრცელებს.
„საქართველოს საგარეო საქმეთა სამინისტრო გამოხატავს მწუხარებას 2019 წლის 21 მარტს ერაყის რესპუბლიკის ქ. მოსულთან ახლოს მდინარე ტიგროსზე ბორანის ჩაძირვასთან დაკავშირებით, რასაც შეეწირა 90-ზე მეტი ადამიანის სიცოცხლე, მათ შორის ქალების და ბავშვების.
საქართველოს საგარეო საქმეთა სამინისტრო თანაგრძნობას უცხადებს ერაყის მთავრობას და ხალხს, დაღუპულთა ოჯახებს და ახლობლებს და დაშავებულებს უსურვებს სწრაფ გამოჯანმრთელებას“, ნათქვამია უწყების განცხადებაში.
ერაყის შინაგან საქმეთა სამინისტროს განცხადებით, დაღუპულთა შორის უმეტესობა ქალები და ბავშვები არიან. ბორანზე დაახლოებით 200 ადამიანი იმყოფებოდა.
მოსულის სამოქალაქო თავდაცვის სააგენტოს ცნობით, ბორანზე მყოფთაგან უმეტესობამ ცურვა არ იცოდა.
94 დაღუპულთა შორის 19 ბავშვი და 61 ქალია. მაშველებმა 55 ადამიანი გადაარჩინეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.