საქართველოში ნორვეგიის სამეფოს თავდაცვის ძალების მეთაური, ადმირალი ჰააკონ ბრუნ-ჰანსენი პირველ ოფიციალურ ვიზიტად იმყოფება. ნორვეგიელ ადმირალს მასპინძლობას საქართველოს თავდაცვის ძალების მეთაური, გენერალ-მაიორი ვლადიმერ ჩაჩიბაია უწევს. გენერალური შტაბის სამწყობრო მოედანზე საზეიმო დახვედრისა და შთაბეჭდილებების წიგნში ჩანაწერის დატოვების შემდეგ, ქართველმა და ნორვეგიელმა კოლეგებმა ორმხრივი შეხვედრა გამართეს.
ადმირალმა ჰააკონ ბრუნ-ჰანსენმა ჩვენი ქვეყნის სუვერენიტეტის, ტერიტორიული მთლიანობის, ევროატლანტიკურ სტრუქტურებში ინტეგრაციის გზაზე ნორვეგიის ურყევი მხარდაჭერა გამოხატა. მან მსოფლიო უსაფრთხოების უზრუნველყოფის პროცესში, ნატოსა და ევროკავშირის ეგიდით მიმდინარე მისიებში, საქართველოს კონტრიბუცია და ქართველი სამხედროების პროფესიონალიზმი ხაზგასმით აღნიშნა.
გენერალურ შტაბში გამართულ შეხვედრაზე მხარეებმა ყურადღება ორ ქვეყანას შორის თავდაცვის სფეროში არსებულ მჭიდრო თანამშრომლობაზე გაამახვილეს და იმედი გამოთქვეს, რომ თანამშრომლობა კიდევ უფრო გაღრმავდება. ნორვეგიული მხარის მიერ გაწეულ მხარდაჭერაზე საუბრისას, გენერალ-მაიორმა ვლადიმერ ჩაჩიბაიამ საქართველოს ეროვნული გვარდიის განვითარების პროცესში ნორვეგიული მხარის უდიდესი წვლილი, ასევე, ნატო-საქართველოს არსებითი პაკეტის (SNGP) განხორციელების პროცესში ნორვეგიის ჩართულობა გაიხსენა და ნატო-საქართველოს წვრთნებისა და შეფასების ერთობლივ ცენტრში (JTEC) ნორვეგიელი ექსპერტების მნიშვნელოვან როლზე ისაუბრა.
შეხვედრაზე სამხედრო განათლებასთან, ერთობლივ სამხედრო წვრთნებთან, სპეციალური ოპერაციების ძალებთან, ტოტალური თავდაცვისა კონცეფციასთან და რეზერვისა და მობილიზაციის სისტემასთან დაკავშირებული საკითხებიც განიხილეს.
საქართველოში ვიზიტის განმავლობაში ნორვეგიის თავდაცვის ძალების მეთაური, ნატო-საქართველოს წვრთნებისა და შეფასების ერთობლივ ცენტრს (JTEC) ესტუმრება და „ნატო-საქართველოს სწავლება 2019“-ის საჩვენებელ დღეს დაესწრება.
ინფორმაციას საქართველოს თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.