პროექტ „ჩვენი ჯარის“ ფარგლებში, საქართველოს თავდაცვის ძალების III ქვეითი ბრიგადის მეთაური, პოლკოვნიკი მალხაზ კალმახელიძე წყალტუბოს რაიონის სოფელ ოფურჩხეთის საჯარო სკოლაში იმყოფებოდა. III ქვეითი ბრიგადის მეთაურმა სამხედრო მოსამსახურეებთან ერთად სკოლის მოსწავლეებს თავდაცვის ძალების შესახებ პრეზენტაცია წარუდგინა.
სამხედროებმა ახალგაზრდებს თავდაცვის ძალების ისტორიის, მიმდინარე და სამომავლო რეფორმების, სავალდებულო და საკონტრაქტო სამსახურის, რეზერვისა და მობილიზაციის პროგრამის შესახებ ინფორმაცია გააცნეს. მათ ნატო-საქართველოს ურთიერთობებზე, საერთაშორისო მისიებსა და მრავალეროვნულ სწავლებებზეც ისაუბრეს. პრეზენტაციის ფარგლებში ახალგაზრდებმა საქართველოს შეიარაღებული ძალების შესახებ მომზადებული ვიდეორგოლები იხილეს და ეროვნული გმირების ისტორიები მოისმინეს. სკოლის მოსწავლეებთან შეხვედრა კითხვა-პასუხის რეჟიმში გაგრძელდა.
პროექტს „ჩვენი ჯარი“ თავდაცვის სამინისტრო საქართველოს განათლების, მეცნიერების, კულტურისა და სპორტის სამინისტროსთან ერთად ახორციელებს. პროექტი 2018 წელს საქართველოს მასშტაბით ორ ეტაპად განხორციელდა. „ჩვენი ჯარის“ მესამე ეტაპი კი, რომელიც მიმდინარე წლის 18 თებერვალს დაიწყო, 8 აპრილს დასრულდება. „ჩვენი ჯარი“ მიზნად საქართველოს თავდაცვის ძალების შესახებ მოზარდებში ცნობიერების ამაღლებასა და პატრიოტული სულისკვეთების გაღრმავებას ისახავს.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.