პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში ჭიათურის მე-2 საჯარო სკოლის მოსწავლეებს უმასპინძლეს.
სამხედრო მოსამსახურეებმა სკოლის მოსწავლეებს სპეციალური პროგრამა შესთავაზეს. ღია კარის დღე სამწყობრო მოედანზე მოწყობით დაიწყო, რის შემდეგაც საჩხერის სამთო მომზადების სკოლის ჯარისკაცებმა სტუმრებისთვის საჩვენებელი მეცადინეობა გამართეს. ბავშვებისთვის განსაკუთრებით საინტერესო თოკზე და ლითონის ბაგირზე დაშვება აღმოჩნდა.
ვიცე-პოლკოვნიკმა მალხაზ გოლეთიანმა საინფორმაციო ლექციაც წაიკითხა და სკოლის მოსწავლეების შეკითხვებს უპასუხა. მათი განსაკუთრებული დაინტერესება სამხედრო სამსახურში მიღებისა და დაწინაურების პირობებმა გამოიწვია.
ლექციის შემდეგ სამხედროებმა ბავშვებს სკოლის ტერიტორიაზე არსებული ინფრასტრუქტურა და სამხედრო ტექნიკა დაათვალიერებინეს, ინსტრუქტორებმა კი, მათ ტექნიკისა და იარაღის გამოყენების წესები გააცნეს.
ღია კარის დღეები თავდაცვის ძალების სხვადასხვა ქვედანაყოფებში რეგულარულად იმართება და სამხედრო პროფესიის პოპულარიზაციას ისახავს მიზნად.
ინფორმაციას თავდაცვის უწყება ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.