ონის მუნიციპალიტეტის მერმა ემზარ საბანაძემ, პირველ მოადგილესთან დიმიტრი საყვარელიძესთან და შესაბამისი სამსახურის წარმომადგენლებთან ერთად, სოფლებში - სევაში, გლოლაში, საკაოში, ლაგვანთასა და ბორცოში „სოფლის მხარდაჭერის პროგრამის" ფარგლებში გათვალისწინებული სამუშაოების მიმდინარეობის შესახებ, საქმის მწარმოებელი კომპანიის წარმომადგენლებსა და ტექნიკურ ზედამხედველთან გეგმიური სამუშაო შეხვედრა გამართა.
შეხვედრაზე განიხილეს ინფრასტრუქტურული სამუშაოების მიმდინარეობა, მშენებლობის ხარისხი და მიწოდების ვადები.
სოფელი სევა - მიმდინარეობს წყალსადენის რეაბილიტაციის სამუშაოები. დღეის მდგომარეობით, დამუშავებულია გრუნტი წყალსადენის მილების მოსაწყობად.
სოფელი გლოლა - მიმდინარეობს წყალსადენის რეაბილიტაციის სამუშაოები. დღეის მდგომარეობით, მოწყობილია რკინა-ბეტონის 8 მ3 მოცულობის სამარაგო რეზერვუარი.
სოფელი საკაო - მიმდინარეობს თავშეყრის ადგილის მოწყობა. დღეის მდგომარეობით, მოწყობილია საყრდენი ბოძები.
სოფელი ლაგვანთა - მიმდინარეობს სარიტუალო დარბაზის მოწყობა. დღეის მდგომარეობით, მიმდინარეობს კედლების ლესვის სამუშაოები.
სოფელი ბორცო - მიმდინარეობს გზის სარეაბილიტაციო სამუშაოები. დღეის მდგომარეობით, სამუშაოები დასრულების პროცესშია.
სამუშაოები მიმდინარეობს შეუფერხებლად, გრაფიკთან ჩამორჩენის გარეშე. შენიშვნები არ გამოკვეთილა.
ინფორმაციას ონის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.