ახმეტის მუნიციპალიტეტში, პანკისის ხეობაში ხანგრძლივი წვიმის შედეგად ადიდებული მდინარე ალაზანი კალაპოტიდან გადმოვიდა და მიმდებარე ტერიტორია დატბორა, დააზიანა სოფლების -დუმასტურისა და ჯოყოლოს დამაკავშირებელ ხიდთან მისასვლელი გზა.
ახმეტის მერიის პრესსამსახურის ცნობით, მუნიციპალიტეტის მასშტაბით ასევე ადიდდა მცირე ზომის ხევები, რის შედეგადაც დატბორილია საცხოვრებელი სახლების ეზოები, დაზიანებულია სოფლების შიდა გზები და სასოფლო-სამეურნეო სავარგულები. ზარალი მიადგა ბაბანეურის, არგოხისა და მაღრანის მოსახლეობას.
სტიქიის ზონაში მუნიციპალიტეტის მერი - იოსებ ქარუმაშვილი, კახეთის სახელმწიფო რწმუნებულის პირველი მოადგილე - ირაკლი შიოშვილი და ადგილობრივი ხელისუფლების სხვა წარმომადგენლები იმყოფებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.