რამდენიმედღიანი გადაუღებელი წვიმის შედეგად, დუშეთის მუნიციპალიტეტის ქვეშეთის ადმინისტრაციულ ერთეულში, ლომისის მონასტერთან მისასვლელ გზაზე ღვარცოფი გამოვარდა და როგორც მონასტერს, ისე სოფელ მლეთის მოსახლეობას საფრთხე შეუქმნა.
ადგილზე იმყოფებოდნენ დუშეთის მუნიციპალიტეტის მერი ზურაბ სეხნიაშვილი, მერის პირველი მოადგილე გიორგი თანიაშვილი და ინფრასტრუქტურის სამსახურის წარმომადგენელები, რომელთა ორგანიზებით, გაწმენდითი სამუშაოები მაშინვე დაიწყო.
ქვეშეთის ადმინისტრაციულ ერთეულში მერის წარმომადგენლის თენგიზ ბედოიძის თქმით, სიტუაცია დღევანდელი მდგომარეობით, კონტროლს ექვემდებარება, თუმცა ამინდის არასტაბილურობის გამო, ადგილზე რჩება შესაბამისი ტექნიკა (ბულდოზერი).
ინფორმაციას დუშეთის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.