ალაბამას კანონმდებლებმა აბორტის აკრძალვას მხარი დაუჭირეს და თუკი შტატის „რესპუბლიკელი“ გუბერნტორი კეი ივი ხელს მოაწერს დოკუმენტს, ის ამერიკის შეერთებულ შტატებში ყველაზე მკაცრი კანონი იქნება, რომელიც ამ მიმართულებით მოქმედებს, რადგან შტატის სენატმა კანონპროექტისთვის მხარდაჭერისას უარი განაცხადა მასში ცვლილებების შეტანაზე, რომელიც გამონაკლისებს დაუშვებდა გაუპატიურებისა და ინცესტის შემთხვევებისას.
უფრო ადრე, მაისის დასაწყისში, კანონპროექტს ალაბამას წარმომადგენლობით პალატაში 74-მა კანონმდებელმა დაუჭირა მხარი და წინააღმდეგი მხოლოდ 3 იყო.
ალაბამას გუბერატორს, ქალბატონ კეი ივის ჯერჯერობით არ განუცხადებია მოაწერს თუ არა ხელს აბორტის აკრძალვის შესახებ მიღებულ კანონს, მაგრამ იგი ცნობილია აბორტის მკაცრ ოპონენტად.
აქტივისტები აცხადებენ, რომ კანონი წინააღმდეგობაში მოდის 1973 წელს უზენაესი სასამართლოს გადაწყვეტილებასთან, რომელმაც შეერთებულ შტატებში აბორტის ლეგალიზება მოახდინა.
აბორტი მხოლოდ გარკვეულ გარემოებებში იქნება ნებადართული, მაგალითად, დედის ჯანმრთელობის დასაცავად.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.