ონის მუნიციპალიტეტის მერმა, ემზარ საბანაძემ მორიგი ყოველკვირეული შეხვედრა გამართა მერიის სამსახურების ხელმძღვანელებთან.
შეხვედრაზე განიხილეს სამუშაო პროცესის მიმდინარეობა მერიაში.
ონის მუნიციპალიტეტის მერიის ცნობით, თითოეული პირველადი სტრუქტურული ერთეულის ხელმძღვანელმა წარადგინა ყოველკვირეული ანგარიში და ინფორმაცია სამუშაო პროცესის მიმდინარეობაზე, ასევე განიხილეს მუშაობის პერიოდში გამოკვეთილი პრობლემური საკითხები და სამომავლო გეგმები.
მერმა ხაზი გაუსვა თითოეული სტრუქტურული ერთეულის ეფექტური და ოპერატიული მუშაობის აუცილებლობას.
ემზარ საბანაძის თქმით, თითოეული თანამშრომელი პასუხისმგებელია მერიაში მოქნილი და მოსახლეობის ინტერესებზე ორიენტირებული სამუშაო გარემოს შექმნაზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.