მესტიაში „ევროპის დღე-2019“ აღნიშნეს
24-05-2019, 08:30

შრიფტის ზომა: [ A+ ] / [ A- ]

მესტიაში „ევროპის დღე-2019“ გრანდიოზული ღონისძიებით აღინიშნა. ღონისძიება მისასალმებელი სიტყვით გახსნა მესტიის მუნიციპალიტეტის მერის პირველმა მოადგილემ, ნელი ნავერიანმა, რომელმაც ისაუბრა საქართველოსა და ევროკავშირის ურთიერთობებზე და ევროპულ ღირებულებებზე, საქართველოს ევროპული და ევროინტეგრაციის მიმართულებით მიღწეულ შედეგებზე და ევროპული ოჯახის პოლიტიკურ მნიშვნელობაზე.

 

 

ღონისძიების ფარგლებში, დ. მესტიის შემოსასვლელიდან, სეტის მოედნამდე, გაიმართა გარბენი „ევროპის დღეების თასი“, სადაც მონაწილეობა ნებისმიერ მსურველს შეეძლო.

 


დაბა მესტიის ცენტრალურ სკვერში და მიმდებარე ტერიტორიაზე მოეწყო სამეგრელო-ზემო სვანეთის რეგიონის მეწარმეებისა და სასოფლო-სამეურნეო კოოპერატივების პროდუქციის გამოფენა-გაყიდვა, ასევე გამოიფინა მესტიის მუნიციპლიტეტის საჯარო სკოლების მოსწავლეების მიერ შექმნილი და მათი თვალით დანახული, ევროპის დღისადმი მიძღვნილი ნახატებისა და პოსტერების გამოფენა.

 


გამოფენის პარალელურად გაიმართა კონცერტი ადგილობრივი ქორეოგრაფიული ანსამბლებისა და ინდივიდუალური შემსრულებლების მონაწილეობით.

 


ღონისძიების ფარგლებში, ნატოსა და ევროკავშირის შესახებ საინფორმაციო ცენტრის მიერ მოეწყო საინფორმაციო კუთხე, სადაც დამთვალიერებლებს საშუალება ქონდათ გაცნობოდნენ საქართველო-ევროკავშირის ურთიერთობების, ევროკავშირის შესახებ გავრცელებული მითებისა და რეალობის შესახებ ინფორმაციას, ასევე, გაიმართა გათამაშებები და გამარჯვებულები სიმბოლური პრიზებით დაჯილდოვდნენ.

 


მოეწყო ასევე ევროკავშირის სადამკვირვებლო მისიის საინფორმაციო კუთხე და რეგიონის სხვადასხვა არასამთავრობო ორგანიზაციების გამოფენა. ღონისძიების დასასრულს, გარბენსა და ნახატების კონკურსში გამარჯვებული მოსწავლეები დაჯილდოეს.

 


ევროპის დღეები ორგანიზებულია სსიპ-ის „საინფორმაციო ცენტრი ნატოსა და ევროკავშირის შესახებ“ სააგენტოსა და საგარეო საქმეთა სამინისტროს მიერ. ევროპის დღეები წელს მეშვიდედ იმართება, მესტიაში კი აღნიშნული ღონისძიებას მესტიის მუნიციპალიტეტმა პირველად უმასპინძლა. ევროპის დღეების მიზანია ევროკავშირისა და საქართველოს ურთიერთობების, მიმდინარე ინტეგრაციის პროცესის შესახებ საქართველოს მოქალაქეების ინფორმირება და სხვადასხვა სამიზნე ჯგუფების ჩართულობის გაზრდა.

 


მესტიაში გამართული ღონისძიება, საგარეო საქმეთა სამინისტროს სსიპ-ის ნატოსა და ევროკავშირის შესახებ საინფორმაციო ცენტრის სამეგრელო-ზემო სვანეთის ბიუროს ორგანიზებითა და მესტიის მუნიციპალიტეტის მერიის მხარდაჭერით ჩატარდა.

 


ინფორმაციას მესტიის მუნიციპალიტეტის მერიის პრესსამსახური ავრცელებს.

 

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი