გენერალ გიორგი კვინიტაძის სახელობის კადეტთა სამხედრო ლიცეუმის წარმომადგენლები საჯარო სკოლების მოსწავლეებთან საინფორმაციო შეხვედრებს განაგრძობენ. ამჯერად, სამხედრო ლიცეუმის წარმომადგენლები ასპინძის მუნიციპალიტეტის სოფელ დამალის საჯარო სკოლას ესტუმრნენ.
კადეტებმა სკოლის მოსწავლეებს ლიცეუმის ისტორიის, მიღების პირობების, სასწავლო პროცესის, განრიგისა და სასწავლებლის ინფრასტრუქტურის შესახებ პრეზენტაცია წარუდგინეს.
შეხვედრა კითხვა-პასუხის რეჟიმში გაგრძელდა. მოსწავლეები ლიცეუმში მიღების პირობებით, სწავლის პროცესითა და სასწავლო პროგრამებით დაინტერესდნენ.
დღესვე, საჯარო სკოლის სამი მოსწავლე სამხედრო თემატიკაზე მომზადებული ვიდეორგოლისთვის დაჯილდოვდა, რომელიც მათ კადეტთა სამხედრო ლიცეუმის მიერ გამოცხადებულ კონკურსში „გახდი კადეტი“ წარადგინეს და მეორე ადგილი მოიპოვეს. ფასიანი საჩუქრები და სიგელები გამარჯვებულებს კადეტთა სამხედრო ლიცეუმის დირექტორის მოადგილემ სასწავლო დარგში, მაია გაბუნიამ გადასცა.
გენერალ გიორგი კვინიტაძის სახელობის სამხედრო ლიცეუმის ხელმძღვანელები და კადეტები საინფორმაციო შეხვედრებს სკოლის მოსწავლეებთან ქობულეთსა და ყაზბეგშიც გამართავენ.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.