თერჯოლის მუნიციპალიტეტის მერი ბონდო სოფრომაძე ინფრასტრუქტურის სამსახურის ხელმძღვანელ გოდერძი თურქაძესთან ერთად სოფ. ზედა საზანოში იმყოფებოდა, სადაც მდ. ძუსაზე რამდენიმე სოფლის დამაკავშირებელი ხიდის მოწყობის სამუშაოები დაათვალიერა.
„დღეს ხიდზე დაისხა ბეტონი. ადგილობრივი თვითმმართველობის წარმომადგენლები ადგილზე იმყოფებიან და თვალყურს ადევნებენ მიმდინარე ინფრასტრუქტურულ პროცესებს. სამუშაოები ინტენსიურ რეჟიმში მიმდინარეობს და მოსახლეობა მალე შეძლებს ახალი ხიდით სარგებლობას“, განაცხადა ბონდო სოფრომაძემ.
პროექტს ტენდერში გამარჯვებული კომპანია შპს „დია სერვისი“ სტიქიის სალიკვიდაციო ფონდიდან გამოყოფილი 237 430 ლარით შეასრულებს.
ინფორმაციას თერჯოლის მუნიციპალიტეტის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.