სტიქიის შედეგად, გარდაბნის მუნიციპალიტეტის სოფელ ლემშვენიერაში მცხოვრები 21 ოჯახი დაიტბორა.
გარდაბნის მერიის პრესსამსახურის ცნობით, უხვმა ნალექმა და სეტყვამ ღვარცოფი გამოიწვია, რის შედეგადაც საცხოვრებელი სახლების სარდაფები, ეზოები და სასოფლო-სამეურნეო დანიშნულების მიწის სავარგულები დაიტბორა. დაზიანებულია საყოფაცხოვრებო ტექნიკა.
ადგილზე ვითარების შესასწავლად იმყოფებოდა გარდაბნის მუნიციპალიტეტის მერი რამაზ ბუდაღაშვილი.
სტიქიასთან გამკლავებას, გუშინ მთელი ღამის მანძილზე ცდილობდნენ, გარდაბნის მერიის შესაბამისი სამსახურები და საგანგებო სიტუაციების მართვის გარდაბნის რაიონული სამსახურის მეხანძრე-მაშველები. სტიქიის შედეგად არავინ დაშავებულა.
ამ დროისათვის, სტიქიის ზონაში მუშაობას იწყებს, ზარალის დამთვლელი დროებითი სამუშაო ჯგუფი.
სტიქიის შედეგად მიყენებული ზარალის ზუსტი ოდენობა, კომიისის მუშაობის დასკვნის შემდეგ გახდება ცნობილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.