საქართველოს თავდაცვის ძალების ეროვნული გვარდიის სამხედრო-საჩვენებელმა ორკესტრმა 27 წლის იუბილე არმიჰოლში კონცერტით აღნიშნა. საზეიმო კონცერტზე კლასიკური და თანამედროვე ნაწარმოებები შესრულდა.
27 წლის იუბილე მუსიკოსებს საქართველოს თავდაცვის მინისტრმა ლევან იზორიამ მიულოცა, რომელიც კონცერტს, მოადგილეებთან და თავდაცვის ძალების წარმომადგენლებთან ერთად დაესწრო.
სამხედრო მუსიკოსებმა რამდენიმე თვის წინ დაღუპული ორკესტრის წევრი უმცროსი სერჟანტი კონსტანტინე დადუნაშვილი გაიხსენეს და სამოელ ბარბერის კომპოზიცია „ადაჟიო“ მიუძღვნეს. კონცერტში მონაწილეობა სპეციალურმა სტუმარმა აკორდიონისტმა ვანო ხაჩიძემაც მიიღო.
1992 წელს, საქართველოს შეიარაღებული ძალების ჩამოყალიბებასთან ერთად, საქართველოს შეიარაღებული ძალების ეროვნული გვარდიის სამხედრო საჩვენებელი ორკესტრი შეიქმნა. თავდაპირველად, ორკესტრის რეპერტუარში, ძირითადად, სახელმწიფო ჰიმნები, სამხედრო მარშები თუ სამგლოვიარო მუსიკალური ნაწარმოებები შედიოდა.
ბოლო პერიოდში თავდაცვის ძალების ჩასაბერ-ინსტრუმენტული ორკესტრი მსოფლიოში აღიარებული კომპოზიტორების კლასიკურ და თანამედროვე ნაწარმოებებსაც ასრულებს.
სამხედრო ორკესტრი არაერთ ოფიციალურ ღონისძიებაში მონაწილეობდა.
2012 წელიდან სამხედრო ორკესტრს მაიორი კობა მერმანიშვილი ხელმძღვანელობს.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.