საქართველოს თავდაცვის სამინისტროს კიბერუსაფრთხოების ბიუროს, ლიეტუვას რესპუბლიკისა და ევროკავშირის საგარეო ქმედებათა სამსახურის ორგანიზებით, კიბერუსაფრთხოების თემაზე სამუშაო შეხვედრა მიმდინარეობს.
შეხვედრას თემაზე „კიბერუსაფრთხოება აღმოსავლეთ პარტნიორობის ქვეყნებში“ ორი დღის განმავლობაში DIB სკოლა მასპინძლობს. შეხვედრა კიბერუსაფრთხოების ბიუროს დირექტორმა, ლევან გიორგობიანმა, ლიეტუვას რესპუბლიკის ელჩმა, გიედრიუს პუოჯუნასმა და საქართველოში ევროკავშირის წარმომადგენელმა, მონიკა ცსაკიმ გახსნეს და მის მნიშვნელობაზე ისაუბრეს.
ღონისძიება აღმოსავლეთ პარტნიორობის ათი წლის იუბილესთან დაკავშირებით იმართება და მიზნად ისახავს, კიბერსაფრთხეებთან ბრძოლას, კიბერსივრცის დაცულობის გაძლიერებასა და კიბერუსაფრთხოების სფეროში ცნობიერების ამაღლებას.
შეხვედრაში მონაწილეობას საქართველოს, სომხეთის, აზერბაიჯანის, ბელარუსის, მოლდოვას, უკრაინის, ლიეტუვასა და ევროპის საგარეო ქმედებათა სამსახურის თავდაცვისა და კიბერუსაფრთხოების სფეროს წარმომადგენლები იღებენ, რომლებიც ერთმანეთს გამოცდილებას გაუზიარებენ და კიბერუსაფრთხოების სფეროში არსებულ თანამედროვე გამოწვევებზე იმსჯელებენ.
მსგავსი სამუშაო შეხვედრა საქართველოში პირველად ტარდება. საქართველოს თავდაცვის მინისტრის, ლევან იზორიას გადაწყვეტილებით, 2019 წელი თავდაცვის ძალებში კიბერუსაფრთხოების წლად არის გამოცხადებული.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.