ახალგაზრდული ჯგუფი „ლემის“ ორგანიზებით და „მესტიის ხელოვნებისა და კულტურის ცენტრის“ მხარდაჭერით, ეროვნული გმირის, მერაბ კოსტავას 80 წლის იუბილესთან დაკავშირებით, საზეიმო ღონისძიება გაიმართა, რომელსაც „ლეო ფილფანის სახელობის სახალხო და ფოლკლორის თეატრმა უმასპინძლა.
ახალგაზრდებმა გაიხსენეს მნიშვნელოვანი ფრაგმენტები საქართველოს თავისუფლებისათვის მებრძოლი, ეროვნული მოძრაობის ლიდერის ცხოვრებიდან და პატივი მიაგეს მის ხსოვნას.
ღონისძიებას შეუერთდენ როგორც მესტიის მუნიციპალიტეტის სხვადასხვა ტერიტორიულ ერთეულებში მცხოვრები ახალგაზრდები, ასევა ახალგაზრდები ლენტეხიდან და ცაგერიდან.
ჯგუფი „ლემი“რამდენიმე თვის წინ დაარსდა, ახალგაზრდების ინიციატივით და მონდომებით. სახელიწოდება მომდინარეობს ზოომორფული დროშის სახელიდან, რომელიც დაცულია სვანეთში, სეტის წმინდა გიორგის ეკლესიაში. „ლემი“ წმინდა გიორგის ერთერთი ყველაზე ძლიერი რელიკვიაა. ახალგაზრდების მიზანია, საზოგადოებაში გაღვივდეს და ამაღლდეს პატრიოტული სულისკვეთება, ამიტომ მათ პირველად სწორედ საქართველოს ისტორიისთვის ერთ-ერთ ყველაზე დიდი პატრიოტის ხსოვნას მიაგეს პატივი. ჯგუფის კვლევის საგანია სვანური კულტურა, ტრადიციები და ადათ-წესები.
ლეო ფილფანის სახელობის სახალხო და ფოლკლორის თეატრის დირექტორმა გეგი ფალიანმა ახალგაზრდებს აღუთქვა, რომ მათი ყველა ინიციატივას ექნება მხარდაჭერა.
ინფორმაციას მესტიის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.