აზერბაიჯანის რესპუბლიკაში, ქალაქ გაბალაში მიმდინარე საქართველოს, აზერბაიჯანისა და თურქეთის სამმხრივი მინისტერიალის ფარგლებში, საქართველოს თავდაცვის მინისტრმა ლევან იზორიამ ორმხრივი შეხვედრა თურქ კოლეგასთან ჰულუსი აქართან გამართა.
ლევან იზორიამ კიდევ ერთხელ აღნიშნა თურქეთის როლი საქართველოს ევროატლანტიკური ინტეგრაციის გზაზე და ჰულუსი აქარს მადლობა გადაუხადა ქვეყნის ევროატლანტიკური მისწრაფების მხარდაჭერისთვის. ყურადღება გამახვილდა თურქეთის ჩართულობაზე ნატო-საქართველოს არსებითი პაკეტის (SNGP) ფარგლებში, რომელიც მიზნად საქართველოს თავდაცვის ძალების შესაძლებლობების განვითარებას, ალიანსთან ურთიერთავსებადობის ამაღლებას და საქართველოს ალიანსში გაწევრიანების მზადების ხელშეწყობას ისახავს.
შეხვედრაზე საუბრის ერთ-ერთი მთავარი თემა შავი ზღვის რეგიონის უსაფრთხოება იყო. როგორც ლევან იზორიამ აღნიშნა, როგორც შავი ზღვის რეგიონის განუყოფელი ნაწილი, საქართველო მიისწრაფვის, წვლილი შეიტანოს რეგიონის უსაფრთხოების არქიტექტურის განმტკიცების პროცესში და ამ კუთხით ნატოსთან კონკრეტულ ერთობლივ ღონისძიებებზე მუშაობას განაგრძობს.
მინისტრებმა საქართველოსა და თურქეთს შორის თავდაცვის სფეროში ორმხრივი თანამშრომლობის მნიშვნელოვანი საკითხებიც განიხილეს.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.