ვანის მუნიციპალიტეტის ძულუხის ადმინისტრაციულ ერთეულში, საჯარო სკოლის თავისუფალ ფართში ახალი საბავშვო ბაღი ეწყობა.
მიმდინარე სარემონტო სამუშაოები ვანის მუნიციპალიტეტის მერმა ალექსანდრე გოგორიშვილმა და მერის პირველმა მოადგილემ გონერი მეფარიშვილმა დაათვალიერეს.
საბავშვო ბაღისთვის განკუთვნილ თავისუფალ ფართში შეიცვალა ჭერი, იატაკი და კარ-ფანჯარა, გაილესა კედლები, მიმდინარეობს სამზარეულოს და სველი წერტილების მოწყობა.
სარეაბილიტაციო სამუშაოებს ტენდერში გამარჯვებული კომპანია შპს „იმედი 2015“ ახორციელებს.
სარემონტო სამუშაოებზე რეგიონებში განსახორციელებელი პროექტების ფონდიდან 64 314 ლარი დაიხარჯება.
30 აღსაზრდელზე გათვლილი ახალი საბავშვო ბაღი, აღიჭურვება ყველა საჭირო ინვენტარითა და რესურსით.
ხელშეკრულებით ნაკისრი ვალდებულების თანახმად სარემონტო სამუშაოები 3 აგვისტოს დასრულდება.
ინფორმაციას ვანის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.