სასტუმრო „რედისონ ბლუ ივერიაში“ საჯარო და კერძო თანამშრომლობის განვითარებაზე ორდღიანი კონფერენცია იმართება. კონფერენციას გარდაბნის მუნიციპალიტეტის მერი რამაზ ბუდაღაშვილი ესწრება.
ღონისძიება ალექსანდრე რევიამ, საქართველოს საჯარო და კერძო თანამშრომლობის სააგენტოს ხელმძღვანელმა, იეშიმ ელჰან-ქაიალარი, აზიის განვითარების ბანკის (ADB) დირექტორმა საქართველოში და ლუიზა ვინტონმა, გაეროს განვითარების პროგრამის (UNDP) ხელმძღვანელმა გახსნეს. კონფერენციის საპატიო სტუმარი, საქართველოს პრემიერ-მინისტრი მამუკა ბახტაძეა.
კონფერენციაზე, მსჯელობა იმართება საქართველოს მთავრობის მიღწევებზე მდგრადი სტრუქტურული რეფორმების განხორციელების, ღია მმართველობისა და გადაწყვეტილების მიღების პროცესის გაუმჯობესების მიმართულებით. ასევე ყურადღება ეთმობა საჯარო და კერძო თანამშრომლობის განვითარების როლს ინკლუზიური ზრდისა და სიღარიბის დაძლევის უზრუნველყოფაში. ღონისძიების მონაწილეები გაეცნობიან იმ პროცედურებსა და სახელმძღვანელო პრინციპებს, რომელიც აუცილებელია წარმატებული და მსხვილი პროექტების განხორციელებისთვის.
კონფერენციის სამუშაო ნაწილის ფარგლებში, საერთაშორისო ექსპერტები და სპეციალისტები საჯარო და კერძო თანამშრომლობის ძირითად ასპექტებს საქართველოს კონტექსტში მიმოიხილავენ და მონაწილეებს გამოცდილებას გაუზიარებენ. პრაქტიკული სემინარი, ცოდნის გაზიარებასთან ერთად, ხელს შეუწყობს საჯარო და კერძო სექტორის თანამშრომელთა შორის პროფესიული კონტაქტების დამყარებას.
ინფორმაციას გარდაბნის მუნიციპალიტეტის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.