საგზაო ინფრასტრუქტურული მასშტაბური პროექტები მიმდინარეობს ახალქალაქისა და ნინოწმინდის მუნიციპალიტეტებში. სარეაბილიტაციო სამუშაოები რეგიონებში განსახორციელებელი პროექტების ფონდიდან ფინანსდება.
ახალქალაქის მუნიციპალიტეტში სხვა ინფრასტრუქტურულ პროექტებთან ერთად, ვაჩიანი-ოკამი-აზმანა-ქარცეფი-აფნია-გოგაშენისა და ზაკი-ბუღაშენი-მერენია-იხტილის გზების 6 კილომეტრამდე მონაკვეთი მოასფალტდება ,რაშიც 2 525 299 ლარი დაიხარჯება. ამავე მუნიციპალიტეტში მიმდინარეობს ბარალეთი-კოჩიოს გზის 3 კილომეტრამდე მონაკვეთის მოასფალტება ღირებულებით 1 095 020 ლარი. სამშენებლო სამუშაოებს შპს „არალი“ასრულებს.
ინფრასტრუქტურული სამუშაოები მიმდინარეობს ნინოწმინდაშიც. ამ ეტაპზე აქტიურ ფაზაშია სოფელ სათხე-ორჯალარის და სოფელ სათხე-სპასოვკის გზების მოასფალტება. სამშენებლო სამუშაოებს შპს „ჯავახავტოგზა“ასრულებს. საავტომობილო გზის 2,8 კილომეტრიანი მონაკვეთის რეაბილიტაციაზე 1 631 579 ლარი დაიხარჯება.
მიმდინარე სამუშაოები სამცხე-ჯავახეთში სახელმწიფო რწმუნებულის პირველმა მოადგილემ შალვა ბერძენიშვილმა, რეგიონული პროექტების კოორდინირების სამსახურის ხელმძღვანელმა მარინა გაჩეჩილაძემ , ახალქალაქის და ნინოწმინდის მერებმა იური უნანიანმა და ანივარდ მოსოიანმა მოინახულეს
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.