თურქეთის მმართველმა პარტიამ სტამბოლის მერის ხელახალი არჩევნები წააგო, იტყობინება BBC უახლეს შედეგებზე დაყრდნობით.
ხმების დათვლის პროცესი თითქმის დასრულებულია და მთავარი ოპოზიციური პარტიის კანდიდატმა ეკრემ იმამოღლუმ (მაღლა ფოტოზე) ამომრჩეელთა 54%-იანი მხარდაჭერა მოიპოვა.
მისმა ოპონენტმა, ყოფილმა პრემიერ მინისტრმა ბინალი ილდირიმმა (მაღლა ფოტოზე) დამარცხება აღიარა, პრეზიდენტმა რეჯეფ თაიფ ერდოღანმა კი გამარჯვებულ კანდიდატს მიულოცა.
„ვულოცავ ეკრემ იმამოღლუს, რომელმაც წინასწარ შედეგებზე დაფუძნებით არჩევნებში გამარჯვება მოიპოვა“, დაწერა ერდოღანმა „თვითერზე“.
გამარჯვების გამოცხადების შემდეგ წარმოთქმულ სიტყვაში იმამოღლუმ განაცხადა, რომ შედეგებმა „ახალი დასაწყისი“ მონიშნა, როგორც ქალაქისთვის, ისე ქვეყნისთვის.
„ჩვენ სტამბოლში ახალ ფურცელს ვშლით. ამ ახალ ფურცელზე იქნება სამართლიანობა, თანასწორობა, სიყვარული“, თქვა მან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.