საქართველოს თავდაცვის ძალების ადმინისტრაციულ შენობაში ნატო-საქართველოს არსებითი პაკეტის (SNGP) ძირითადი ჯგუფის (NATO Core Team) ხელმძღვანელის მოადგილის, რუმინელი პოლკოვნიკის დენიელ იაკობის დაჯილდოების ცერემონია გაიმართა.
დაჯილდოების ცერემონიალზე ნატო-ს ძირითადი ჯგუფის ხელმძღვანელის მოადგილე ნატო-საქართველოს არსებითი პაკეტის წარმატებულად და ეფექტურად განხორციელების პროცესში შეტანილი განსაკუთრებული წვლილისთვის საქართველოს თავდაცვის ძალების მეთაურის პირველმა მოადგილემ, ბრიგადის გენერალმა ნიკოლოზ ჯანჯღავამ „გენერალ კვინიტაძის“ სახელობის უწყებრივი მედლით დააჯილდოვა. ბრიგადის გენერალმა პოლკოვნიკ დენიელ იაკობს საქართველოში ნაყოფიერი საქმიანობისათვის მადლობა გადაუხადა და წარმატებები უსურვა.
პოლკოვნიკი დენიელ იაკობი ნატო-საქართველოს არსებითი პაკეტის (SNGP) ნატოს ძირითადი ჯგუფის ერთ-ერთი პირველი ექსპერტია, რომელიც საქართველოში 2015 წლიდან მუშაობს.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.