დღეს საზეიმოდ გაიხსნა ვანის მუნიციპალიტეტის ცენტრალური საჯარო ბიბლიოთეკა, რომელიც ახლადგარემონტებულ შენობაში განთავსდა, სადაც ყველა წესის დაცვით მოეწყო წიგნადი ფონდის საცავები, მკითხველთა დარბაზი, ბავშვთა დარბაზი და საარქივო ფართი. არსებული გარემო ხელს შეუწყობს მკითხველთა მომსახურების ხარისხს, გაიზრდება ვიზიტორთა რაოდენობა.
ღონისძიებას ვანის მუნიციპალიტეტის მერი ალექსანდრე გოგორიშვილი, მერის მოადგილეები, ადგილობრივი ხელისუფლების სხვა წარმომადგენლები და საზოგადოების წევრები დაესწრნენ.
მოეწყო გ.ძიგვაშვილის ლექსთა კერბულის - „გაზაფხული მარაბდის სასაფლაოზე“ - პრეზენტაცია. ლიტერატურული გაერთიანება „პარნასის“ მოსწავლეებმა გააცოცხლეს პოეტის ცხოვრების მნიშვნელოვანი დეტალები და მის ლექსებზე აგებული ლიტერატურულ-მუსიკალური კომპოზიცია წარმოადგინეს. შეხვედრაზე აღინიშნა ლ.სულაბერიძის სათავგადასავლო ნაწარმოების „ცხადსიზმარიანა“-ს გამოცემის შესახებ.
ა(ა)იპ ვანის მუნიციპალიტეტის სახელოვნებო, განათლების და ტურიზმის განვითარების ცენტრის დირექტორმა თ.ჟვანიამ, ბიბლიოთეკის დირექტორმა ლ. დვალიშვილმა და პოეტმა ა.თევზაძემ მადლობა გადაუხადეს მუნიციპალიტეტის ხელმძღვანელობას საჯარო ბიბლიოთეკის სასურველი და სპეციფიური გარემოს შექმნისთვის, ლადო სულაბერიძის და გიორგი ძიგვაშვილის წიგნების გამოცემაში ფინანსური დახმარებისათვის.
მუნიციპალიტეტის მერმა ახალმოსახლეობა მიულოცა ბიბლიოთეკის თანამშრომლებს და წარმატებები უსურვა მათ საქმიანობაში, ასევე ხელშეწყობა დაპირდა წიგნადი ფონდის ელექტრონულ კატალოგზე გადასვლასთან დაკავშირებით, რაც საბიბლიოთეკო ფონდების განახლების საფუძველი იქნება.
ცენტრალური ბიბლიოთეკის რეაბილიტაციისათვის ადგილობრივი ბიუჯეტიდან 39 692 ლარი გამოიყო, სამუშაოები ტენდერში გამარჯვებულმა კომპანის შპს „გზები 2“ -მა განახორციელა.
ინფორმაციას ვანის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.