თერჯოლის ცენტრის კეთილმოწყობის საპროექტო სამუშაოები დაიწყო. აღნიშნულ საკითხზე იმსჯელეს დღეს თერჯოლის მერიაში.
თერჯოლის მუნიციპალიტეტის მერი ბონდო სოფრომაძე კონტრაქტორი კომპანიის წარმომადგენლებს შეხვდა.
შეხვედრას ასევე ესწრებოდნენ მერის მოადგილეები: მანუჩარ ფანჩულიძე და მერაბ სირაძე, საკრებულოში თერჯოლის მაჟორიტარი დეპუტატები: გიორგი ლილუაშვილი, თემურ ქოჩიაშვილი და მუნიციპალიტეტის სხვა ხელმძღვანელი პირები.
კეთილმოწყობის სამუშაოებისათვის საჭირო საპროექტო დოკუმენტაციის მომზადების შემდეგ გამოცხადდება ტენდერი და გამოვლინდება გამარჯვებული კომპანია.
პროექტის ფარგლებში მოეწყობა ქალაქის ცენტრი: გარე განათება, გზა, ტროტუარი, ბორდიური, მრავალბინიანი კორპუსების ფასადები, სკვერები. სავარაუდო ღირებულება 1,5 მილიონი ლარია.
ინფორმაციას თერჯოლის მუნიციპალიტეტის მერიის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.