ირანის რევოლუციის მცველთა შეიარაღებული საზღვაო ხომალდები ჰორმუზის სრუტეში ბრიტანული ნავთობტანკერის ხელში ჩაგდებას შეეცადნენ, თუმცა მათი განზრახვა რაკეტებით აღჭურვილმა დიდი ბრიტანეთის სამეფო საზღვაო ძალების სამხედრო გემმა ჩაშალა, რომელიც თან ახლდა ნავთობტანკერს, იუწყება აშშ-ის მედია ოფიციალურ პირებზე დაყრდნობით.
დასავლური მედია აშშ-ის ოფიციოზზე დაყრდნობით წერს, რომ ბრიტანულ ნავთობტანკერს ირანის ტერიტორიულ წყლებთან ძალიან ახლოს გაჩერება მოსთხოვეს, მაგრამ ბრიტანეთის სამეფო ფლოტის გაფრთხილების შემდეგ ირანული საზღვაო ხომალდები იძულებული შეიქნენ ტერიტორიას გასცლოდნენ.
პენტაგონმა განაცხადა, რომ გავრცელებული ინფორმაციის საქმის კურსშია, მაგრამ კომენტარისაგან თავი შეიკავა.
გასულ კვირას ბრიტანეთის სამეფო საზღვაო ძალების მეზღვაურები გიბრალტარის ხელისუფლებას დაეხმარნენ ირანული ნავთობტანკერის შეპყრობაში. არსებობდა სამხილი, რომ აღნიშნული ტანკერი ევროკავშირის სანქციების დარღვევით სირიაში მიემართებოდა. საპასუხოდ ირანის ოფიციალურმა პირებმა განაცხადეს, რომ უნდა შეეპყრათ ბრიტანული სანავთობო ტანკერი, თუკი დატყვევებული გემი არ იქნებოდა გათავისუფლებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.