წყალტუბოში ბრაზილიელი ლეგენდარული ფეხბურთელი რივალდო იმყოფებოდა.
ცნობილი ფეხბურთელი adjarabet.com-ის სპორტის სახე გახდა და საქართველოში ფილმის გადასაღებად ჩამოვიდა.
გადაღებები წყალტუბოში სანატორიუმ „მეტალურგში“ მიმდინარეობდა. adjarabet.com-ის ფილმს, რომელიც სექტემბრის ბოლოს გამოვა ეკრანებზე, „არენა“ ჰქვია.
პროექტის ლოკაციის მენეჯერის ალექსანდრე ფანცულაიას თქმით, გადაღებებისთვის წყალტუბო მისი უნიკალური ბუნების და არქიტექტურის გამო შეირჩა.
„თავიდან ვფიქრობდით, რომ პავილიონში დაგვეწყო გადაღებები, მაგრამ ფილმი ერთგვარი თამაშია. ფილმს ინოვაციური ტექნოლოგიებით ვიღებთ, ამიტომ, საჭირო იყო შესაბამისი გარემო. ერთხმად გადავწყვიტეთ, რომ წყალტუბო საუკეთესო ადგილი იქნებოდა ფილმისთვის. რივალდო და მისი თანმხლები პირები აღფრთოვანებული დარჩნენ წყალტუბოს სილამაზით და აღნიშნეს, რომ ეს ერთ-ერთი საუკეთესო ადგილია, რაც კი უნახავთ. ცნობილი ფეხბურთელის გარდა, ამ ფილმში მსოფლიო დონის ხელოვანებიც მიიღებენ მონაწილოებას,“ - განაცხადა ლოკაციის მენეჯერმა.
ფილმის გადაღებებში წყალტუბოს „სამგურალის“ უმცროსი თაობის ფეხბურთელებიც იღებენ მონაწილეობას.
რივალდოს, ფანებთან ერთად, უკვე შეხვდნენ წყალტუბოს მუნიციპალიტეტის მერი გრიგოლ იოსელიანი და მერის მოადგილე ალექსანდრე დადუნაშვილი.
ბრაზილიელი ლეგენდა იყო 2002 წელს ბრაზილიის მსოფლიო ჩემპიონობის ერთ-ერთი მთავარი შემოქმედი. ის "ბარსელონაში" 1997-2002 წლებში ბრწყინავდა. კატალონიური გუნდის მაისურით 235 თამაში ჩაატარა და 130 გოლი გაიტანა. 1999 წელს კი ის "ოქროს ბურთის" მფლობელი გახდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.