საინჟინრო გვარეობის დღისადმი მიძღვნილი საზეიმო ცერემონიალი საინჟინრო ბრიგადის სამწყობრო მოედანზე გაიმართა. სამხედრო ინჟინრებს იუბილე საქართველოს თავდაცვის ძალების აღმოსავლეთ სარდალმა, ბრიგადის გენერალმა ალექსანდრე კიკნაძემ მიულოცა. მან პირად შემადგენლობას სიტყვით მიმართა, პროფესიული დღე მიულოცა და თავდაცვის ძალებში საინჟინრო გვარეობის მნიშვნელობაზე ისაუბრა.
ღონისძიების ფარგლებში პირადი შემადგენლობის დაჯილდოების ცერემონიალი გაიმართა. სამხედროებმა გამორჩეული სამსახურისა და ქვეყნის წინაშე დამსახურებისათვის საშტატო იარაღი და უწყებრივი მედლები „უმწიკვლო სამსახურისთვის“ მიიღეს. საზეიმო ღონისძიების დასასრულს სტუმრებმა ბრიგადაში არსებული სხვადასხვა შიარაღება და საბრძოლო ტექნიკა დაათვალიერეს. დღესვე საინჟინრო ბრიგადის იუბილესთან დაკავშირებით საბრძოლო საინჟინრო ბატალიონის ტერიტორიაზე ნატოსა და ევროკავშირის საინფორმაციო კუთხე გაიხსნა.
ღონისძიებას თავდაცვის ძალების სარდლობებისა და დეპარტამენტის უფროსები და ნატოს სამეკავშირეო ოფისის, ნატოს მხარდაჭერისა და შესყიდვების სააგენტოს, ასევე ნატო-საქართველოს არსებითი პაკეტის (SNGP) წარმომადგენლები დაესწრნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.