გარემოს დაცვისა და სოფლის მეურნეობის მინისტრი ლევან დავითაშვილი ნუშისა და კაკლის მწარმოებელთა ასოციაციის წარმომადგენლებს შეხვდა.
„საქართველოში კაკლოვანი კულტურების წარმოების დიდი პოტენციალი არსებობს. ამ პოტენციალის სრულად ათვისებისთვის, ძალიან მნიშნელოვანია თანამედროვე ცოდნისა და გამოცდილების გაზიარება. სახელმწოფო აგრარული დარგის მიმართულებით არაერთ მხარდამჭერ პროექტს ახორციელებს. ამ პროექტების ფარგლებში, ფერმერებს შესაძლებლობა აქვთ კაკლისა და ნუშის თანამედროვე ბაღების გაშენების და მათი სარწყავი სისტემებით უზრუნველყოფისთვის სახელმწიფოსგან მნიშვნელოვანი ფინანსური დახმარება მიიღონ. რაც შეეხება ქართველი ფერმერებისთვის თანამედროვე ცოდნისა და გამოცდილების გაზიარებას, აღსანიშნავი ფაქტია, რომ ამ მიმართულებას სოფლისა და სოფლის მეურნეობის განვითარების ევროპის სამეზობლო პროგრამა (ENPARD IV) ითვალისწინებს“, - განაცხადა ლევან დავითაშვილმა.
მინისტრის განცხადებით, დარგის განვითარებაში ასოციაციების ჩართულობა და მათი როლის გაძლიერება მნიშვნელოვანი საკითხია, რასაც სამინისტროს პოლიტიკაც ითვალისწინებს.
გარემოს დაცვისა და სოფლის მეურნეობის სამინისტროში გამართულ შეხვედრას მინისტრის პირველი მოადგილე გიორგი ხანიშვილი, სოფლისა და სოფლის მეურნეობის განვითარების სააგენტოს დირექტორი პაატა შეყილაძე და სამინისტროს სოფლის მეურნეობის, სურსათის და სოფლის განვითარების დეპარტამენტის უფროსი თენგიზ კალანდაძე ესწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.