წვრთნებისა და სამხედრო განათლების მხარდამჭერ ცენტრ „კრწანისში“ საერთო საჯარისო ცენტრის ავიაციისა და საჰაერო თავდაცვის სკოლის თვითმფრინავის მექანიკოსის სამხედრო სპეციალისტთა მომზადების კურსის გამოშვების ცერემონია გაიმართა.
მსმენელებს კურსის წარმატებით დასრულება საერთო საჯარისო ცენტრის მეთაურმა, პოლკოვნიკმა ნიკოლოზ აგლაძემ და ავიაციისა და საჰაერო თავდაცვის სარდლის მოვალეობის შემსრულებელმა, ვიცე-პოლკოვნიკმა სერგო ნინუამ მიულოცეს. მათ მონაწილეებს სიტყვით მიმართეს, მხარდაჭერა აღუთქვეს, საჰაერო თავდაცვის სისტემების განვითარებისა და სამხედრო მოსამსახურეების ცოდნის გაღრმავების მნიშვნელობაზე ისაუბრეს.
თვითმფრინავის მექანიკოსის სამხედრო სპეციალისტთა მომზადების კურსი 6 კვირის განმავლობაში მიმდინარეობდა და თეორიულ და პრაქტიკულ მეცადინეობებს მოიცავდა.
კურსის განმავლობაში მსმენელებმა თვითმფრინავის კონსტრუქცია, სისტემები, საავიაციო ძრავის შემადგენელი ნაწილები, მოწყობილობები, მომსახურეობის სახეები და ეტაპები თეორიულად შეისწავლეს; პრაქტიკული მეცადინეობები კი ავიაციისა და საჰაერო თავდაცვის სარდლობის შერეული საავიაციო ესკადრილიის ბაზაზე გაიარეს.
დღეიდან კურსის მონაწილეები თავიანთ ქვედანაყოფებს დაუბრუნდებიან.
ინფორმაციას საქართველოს თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.