ეკონომიკისა და მდგრადი განვითარების მინისტრი, მცხეთა-მთიანეთის სახელმწიფო რწმუნებულთან ერთად, შატილისა და როშკის მოსახლეობას შეხვდა
ეკონომიკისა და მდგრადი განვითარების მინისტრი ნათია თურნავა, რეგიონული განვითარებისა და ინფრასტრუქტურის მინისტრის მოადგილე მზია გიორგობიანი და მცხეთა-მთიანეთის სახელმწიფო რწმუნებული შალვა კერესელიძე შატილში და როშკაში იმყოფებოდნენ და ადგილობრივ მოსახლეობასთან ერთად ხევსურეთში მიმდინარე და დაგეგმილ პროექტებზე ისაუბრეს.
ეკონომიკისა და მდგრადი განვითარების სამინისტრო შატილში, უახლოეს პერიოდში, მცირე ჰიდროელექტროსადგურის მშენებლობას დაიწყებს. ჰესის დადგმული სიმძლავრე 200 კვტ იქნება და ის მოსახლეობის ელექტროენერგიით მომარაგებას მნიშვნელოვნად გააუმჯობესებს. აღსანიშნავია, რომ ამ ეტაპზე არსებული ჰიდროელექტროსადგური მოძველებულია და მწყობრიდან ხშირად გამოდის.
სამინისტროს მხარდაჭერით ხევსურეთში სათემო ინტერნეტიზაციის პროექტიც ხორციელდება. როშკის მოსახლეობას უკვე აქვს შესაძლებლობა მაღალხარისხიანი ინტერნეტით ისარგებლოს. რამდენიმე კვირაში ინტერნეტზე წვდომა შატილის მცხოვრებლებსაც ექნებათ. პროექტის განხორციელების შედეგად, მაღალსიჩქარიანი ინტერნეტით ხევსურეთთან ერთად, ფშავისა და გუდამაყრის ხეობებიც დაიფარება. მიღებული სიკეთით ჯამში 76 სოფელი ისარგებლებს.
ეკონომიკისა და მდგრადი განვითარების მინისტრმა მიკრო და მცირე გრანტების პროგრამაზეც ისაუბრა, რომლის განხორციელება მიმდინარე წლის შემოდგომაზე დაიწყება და ხევსურეთის მოსახლეობას შემოსავლის დამატებით წყაროს გაუჩენს.
მთიანი რეგიონების მხარდაჭერა სახელმწიფოსთვის პრიორიტეტული მიმართულებაა. ხორციელდება სხვადასხვა პროგრამა და პროექტი, რომელთა მიზანია ხელი შეუწყოს მცხეთა-მთიანეთში ტურიზმის, სოფლის მეურნეობისა და მეწარმეობის კიდევ უფრო განვითარებას და რაც ყველაზე მნიშვნელოვანია, მთიანი დასახლებებიდან წასულ მოსახლეობას უკან დაბრუნების მოტივაცია გაუჩინოს.
ინფორმაციას მცხეთა-მთიანეთის სახელმწიფო რწმუნებულის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.