მოკლულია არაერთი ადამიანი ტეხასში, ელ პასოში აშშ-მექსიკის საზღვრიდან რამდენიმე კილომეტრში მდებარე სავაჭრო ცენტრში განხორციელებული სროლებისას. პირველი გასროლა ადგილობრივი დროით დილის 11:00 საათზე მოხდა.
პოლიციის წარმომადგენელმა დაადასტურა, რომ არიან მოკლულები, მაგრამ ზუსტი რაოდენობა არ დასახელებულა.
ჟურნალისტი კამილა რამბალდი სოციალურ ქსელში, პოლიციაზე დაყრდნობით წერს, რომ სულ მცირე 10 ადამიანია მოკლული და 30-ამდე სხვას ჭრილობები აქვს მიყენებული. ეჭვმიტანილი დაკავებულია.
NBC -ის ახალი ამბების ცნობით, უნივერსიტეტის სამედიცინო ცენტრის ოფიციოზმა განაცხადა, რომ მათ 10 სერიოზულად დაჭრილი ადამიანი მიიღეს და მსხვერპლთაგან ზოგიერთი სხვა საავადმყოფოებში გადაიყვანეს.
პოლიციამ დაჟინებით მოუწოდა მოქალაქეებს სავაჭრო კომპლექსის მიმდებარე ტერიტორიიდან თავი შორს დაიჭირონ.
„ეს არის ტრაგედია, რომელიც ჩვენ გვეგონა, რომ არასოდეს, არასოდეს მოხდებოდა ელ პასოში“, განუცხადა CNN-ს ელ პასოს მერმა დი მარგომ.
ტეხასის გუბერნატორმა გრეგ აბოტმა სპეციალური განცხადება გაავრცელა და აღნიშნა, რომ იგი ელ პასოსკენ მიემართება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.