ჩვენი უძველესი ტრადიციები - სტუმარ-მასპინძლობა, ოჯახის სიწმინდე და ყველაფერი, რაც დაკავშირებულია ერთმანეთის თანადგომასთან, ჩვენი სამშობლოს მთავარი სილამაზეა, - ამის შესახებ საქართველოს პრემიერ-მინისტრმა მამუკა ბახტაძემ ბეშუმში, სახალხო ზეიმ “შუამთობაზე” სიტყვით გამოსვლისას განაცხადა.
მთავრობის მეთაურმა შეკრებილ მოსახლეობას დღესასწაული მიულოცა და უხუცესებს უძველესი და ლამაზი ტრადიციების შენარჩუნებისთვის მადლობა გადაუხადა.
“ბედნიერი ვარ, რადგან ვგრძნობ, რომ ეს ულამაზესი ტრადიციები ისეთივე მნიშვნელოვანია ჩვენი ახალგაზრდებისთვის,როგორც უფროსი თაობისთვის, რომელმაც შეგვინარჩუნა ეს ტრადიციები. თქვენ ხართ გაუტეხავი ქართული სულის მაგალითი, ეს მთები კი ჩვენი ძლიერი ფესვების დასტურია და ჩვენ გიერთდებით ამ ლამაზი ტრადიციების გაგრძელებაში. ჩვენთვის ქართულ მთას განსაკუთრებული მნიშვნელობა აქვს. ჩვენ ძალიან ბევრი რამის გაკეთება დავიწყეთ, რომ საქართველოში ყველა კუთხე თანაბრად განვითარდეს. ძალიან ბევრ პროექტს ვახორციელებთ ზემო აჭარაში, იქნება ეს სკოლების, ბაღების, გზების მშენებლობა, სპორტული ინფრასტრუქტურის განვითარება თუ გაზიფიცირება. ვინ წარმოიდგენდა რამდენიმე წლის წინ, რომ ზემო აჭარაში გვექნებოდა ბუნებრივი გაზი. გაზიფიცირების მეორე ეტაპი დაწყებულია და ძალიან მალე დასრულდება”, - განაცხადა მამუკა ბახტაძემ.
პრემიერ-მინისტრმა ისტორიული მნიშვნელობის პროექტად შეაფასა ხულო-ზარზმის გზა, რომლის მშენებლობა უკვე დაწყებულია და გამოთქვა რწმენა, რომ ის უფრო სწრაფი ტემპებით განხორციელდება.
მთავრობის მეთაურმა ასევე მიმართა ახალგაზრდებს, რომ ყველაფერი კეთდება, რათა თითოეულმა მათგანმა ღირსეული განათლების მიღება შეძლოს.
პრემიერმა ასევე ისაუბრა ხულოს მუნიციპალიტეტის ახალი მერის, ვახტანგ ბერიძისა და მაჟორიტარი დეპუტატის ანზორ ბოლქვაძის შესახებ, რომლებიც ცენტრალურ ხელისუფლებასთან ერთობლივი ძალისხმევით მუშაობენ თითოეული ოჯახის პრობლემების გადაჭრაზე.
“თქვენ ასევე გყავთ მთავრობის ახლგაზრდა, ენერგიული თავმჯდომარე თორნიკე რიჟვაძე, ამ კუთხის შვილი და დარწმუნებული ვარ, ჩვენ ერთობლივად, თქვენი თანადგომით შევძლებთ ყველა იმ იდეის რეალიზაციას, რომელიც ჩაფიქრებული გვაქვს. ამაში დარწმუნებული ვარ და ამის სრულ გარანტიას გაძლევთ”,- განაცხადა პრემიერ-მინისტრმა.
მამუკა ბახტაძემ ოჯახის შექმნა მიულოცა ახალდაქორწინებულებს, რომლებიც ტრადიციულად, შუამთობის დღესასწაულზე დაქორწინდნენ და მათ ბედნიერება, ერთიან და ძლიერ საქართველოში ცხოვრება უსურვა.
პრემიერ-მინისტრი აჭარის ავტონომიური რესპუბლიკის მთავრობის თავმჯდომარესა და ხულოს მუნიციპალიტეტის წარმომადგენლებთან ერთად, ადგილობრივი პროდუქციის გამოფენას გაეცნო და სპორტულ აქტივობებს, მათ შორის ტრადიციულ დოღს დაესწრო.
ხულოს მუნიციპალიტეტის კურორტ ბეშუმში, სახალხო დღესასწაული „შუამთობა" ტრადიციულად, ყოველწლიურად, აგვისტოს პირველ შაბათ-კვირას იმართება.
ინფორმაციას პრემიერ-მინისტრის პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.