საბჭოთა კავშირის ყოფილი პრეზიდენტის, მიხეილ გორბაჩოვის ჯანმრთელობის მდგომარეობა „ძალიან ცუდია“, განაცხადა ჟურნალისტმა ალექსეი ბენედიქტოვმა ტელეარხ „НАШ“ -ზე გასულ გადაცემა "Гордон“-ში.
„თავთან დაკავშირებით ყველაფერი წესრიგშია, ძალიან მძიმედ დადის, დაუგროვდა ბევრი დაავადება - ნუ, ის 88 წლისაა. ბოლო ორი წელიწადი - ძალიან ცუდად არის. უკვე 6 თვეა საავადმყოფოში ცხოვრობს“, განაცხადა ბენედიქტოვმა, როგორც ამას „რია ნოვოსტი“ იტყობინება.
მან დაამატა, რომ ყოფილი საბჭოთა ლიდერი დროდადრო მას რესტორანში შეხვედრას სთავაზობს, რაზეც იგი უარს ვერ ეუბნება.
„ჩვენი ექიმის რეკომენდაციით, ვსვამთ ლუდს, და მიხეილ სერგის ძე ახლა სვამს ლუდს. ადრე არაყს ვსვამდით“, აღნიშნა ბენედიქტოვმა.
გარდა ამისა, როგორც მან დასძინა, გორბაჩოვი პლანშეტის და სმარტფონის მეშვეობით თვალყურს ადევნებს ახალ ამბებს. ექსპრეზიდენტამდე ასევე მივიდა ინფორმაცია სერიალ „ჩერნობილზე“, რომელსაც, ჟურნალისტის თქმით, მან არ უყურა, რადგან ეს „მძიმეა მისთვის“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.