ჰონგ-კონგში პოლიციელებსა და დემონსტრანტებს შორის შეტაკება მოხდა. ინფორმაციას BBC ავრცელებს.
შეტაკებები ჰონგ-კონგის ერთ-ერთ პარკში აქციის მონაწილეების შეკრებით დაიწყო, მათ გზა ბარიკადებით გადაკეტეს, რის შემდეგაც ასაფეთქებელ მოწყობილობებს ისროდნენ.
სამართალდამცველებმა აქციის მონაწილეების დაშლა ცრემლსადენი გაზის საშუალებით სცადეს.
ერთ-ერთ ვიდეოში, რომელიც სოციალურ მედიაში გავრცელდა, ჩანს როგორ სცემენ ხელკეტებით პოლიციელები ესკალატორზე მდგომ ხალხს.
შეტაკებების შედეგად უამრავი ადამიანი დაშავდა, მათ შორის პოლიციის ოფიცრებიც.
ანტისამთავრობო დემონსტრაციები ჰონგ-კონგში, რომელიც ხშირად შეტაკებებით სრულდება, 9 კვირის წინ დაიწყო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.