დიდგორის ბრძოლიდან 898 წელი გავიდა. დიდგორის გამარჯვებისადმი მიძღვნილ სახალხო დღესასწაულს საქართველოს თავდაცვის მინისტრი, ლევან იზორია პრემიერ-მინისტრთან ერთად დაესწრო.
დიდგორის ველზე შეკრებილ სამხედრო მოსამსახურეებსა და სხვა სტუმრებს ლევან იზორიამ და მამუკა ბახტაძემ სიტყვით მიმართეს და საქართველოს მოსახლეობას დიდგორობის დღესასწაული მიულოცეს. ლევან იზორიამ ყურადღება დიდგორის ბრძოლასა და ამ ბრძოლაში გამარჯვების განსაკუთრებულ მნიშვნელობაზე გაამახვილა.
ღონისძიება საქართველოს თავდაცვის ძალების სამხედრო მოსამსახურეების დაჯილდოებით გაგრძელდა. ლევან იზორიამ საქართველოს თავდაცვის ძალების აღმოსავლეთ სარდლობის მეოთხე მექანიზებული ბრიგადის ორი სამხედრო მოსამსახურე უწყებრივი მედლებით „დიდგორის ჯვარი“ დააჯილდოვა.
აღნიშნული ჯილდო თავდაცვის სამინისტრომ და გენერალურმა შტაბმა, საქართველოს მთავრობის ინიციატივით, 2014 წელს დააწესეს. ყოველი წლის 12 აგვისტოს, დიდგორის ველზე, გამორჩეულ სამხედროს ლიდერობისთვის თავდაცვის სამინისტრო მედალს - „დიდგორის ჯვარი" გადასცემს. ეს ჯილდო პირველად 2014 წელს მაიორმა ვიტალი ცხადაძემ მიიღო.
სახალხო დღესასწაული „დიდგორობა 2019“, ხალხური სიმღერებითა და ფოლკლორული ანსამბლების კონცერტით გაგრძელდა; ასევე გაიმართა შეჯიბრებები სპორტის სხვადასხვა სახეობაში.
დიდგორის ველზე საქართველოს თავდაცვის ძალების მეთაური, სხვა სამხედრო მაღალჩინოსნები და სამხედრო მოსამსახურეებიც იმყოფებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.