კახეთის რეგიონში მეხილეობის დარგის პოპულარიზაციის და ამ მიმართულებით დასაქმებული ფერმერების და მეწარმეების ხელშეწყობის მიზნით, გურჯაანის მუნიციპალიტეტის სოფელ ჩუმლაყში „ხილის ფესტივალი 2019“ გაიმართა. ფესტივალში ადგილობრივი ფერმერები, სასოფლო-სამეურნეო კოოპერატივების და ბიზნესსექტორის წარმომადგენლები მონაწილეობდნენ.
ფესტივალს გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი და კახეთის მხარეში სახელმწიფო რწმუნებული ირაკლი ქადაგიშვილი დაესწრნენ, წარმოდგენილი პროდუქცია დაათვალიერეს და მონაწილე ფერმერებს დარგში არსებულ მიღწევებზე და გამოწვევებზე გაესაუბრნენ.
„ბოლო 2 წელია, ატმის და ვაშლატამას მოსავლის აღება-რეალიზაცია წარმატებულად ხორციელდება. გასულ წელს, 12 ათას ტონაზე მეტი პროდუქციის ექსპორტი განხორციელდა, ანალოგიური მაჩვენებელი გვაქვს წელსაც. დარგის ხელშეწყობის მიზნით, მხოლოდ ჩუმლაყში, 9 სამაცივრე მეურნეობა გაიხსნა. ყოველივე ეს, სახელმწიფოს სწორი პოლიტიკის, ასევე ჩვენი სამინისტროს, სამხარეო ადმინისტრაციის და თვითმართველობის ორგანოების ერთობლივი მუშაობის შედეგია. რაც შეეხება ფესტივალს, მსგავსი ღონისძიებები მნიშვნელოვნად უწყობს ხელს, არა მარტო რეგიონის და ადგილობრივი პროდუქციის პოპულარიზაციას, არამედ ფერმერებსა და მეწარმეებს შორის სამომავლო თანამშრომლობის გაღრმავებას“,- აღნიშნა სოლომონ პავლიაშვილმა.
ფესტივალის სტუმრებს საშუალება ჰქონდათ დაეგემოვნებინათ და შეეძინათ ადგილობრივი სეზონური ხილი და მისგან დამზადებული როგორც ნატურალური წვენები, ასევე ალკოჰოლური და მინერალური სასმელები სასმელები.
„ხილის ფესტივალი 2019“ კახეთში სახელმწიფო რწმუნებულის ადმინისტრაციის ინიციატივითა და გურჯაანის მუნიციპალიტეტის მერიის ორგანიზებით, ასევე გარემოს დაცვისა და სოფლის მეურნეობის სამინისტროსა და დანიშნულების ადგილის მართვის ორგანიზაციის „ვიზით კახეთი“ მხარდაჭერით ჩატარდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.