წყალტუბოს მუნიციპალიტეტში მაღლაკი-გუბისწყლის დამაკავშირებელი ახალი ხიდის მშენებლობა იწყება.
მაღლკის კულტურის სახლში საქართველოს საავტომობილო გზების დეპარტამენტის მიერ ახალი სახიდე გადასასვლელის მშენებლობის და ექსპლუატაციის პროექტის სკოპინგის ანგარიშის საჯარო განხილვა გაიმართა.
განხილვას ადგილობრივ მოსახლეობასთან ერთად წყალტუბოს მუნიციპალიტეტის მერის მოადგილე ალექსანდრე დადუნაშვილი, მუნიციპალიტეტის საკრებულოს თავმჯდომარის მოვალეობის შემსრულებელი პაატა ახალაძე, მერის წარმომადგენელი მაღლაკის ადმინისტრაციულ ერთეულში შალვა ჭოლაძე, საკრებულოს წევრი მაღლაკის მაჟორიტარი დეპუტატი თენგიზ ნიჟარაძე და ადგილობრივი თვითმმართველობის წარმომადგნელები ესწრებოდნენ.
სკოპინგის ანგარიში გზების დეპარტამენტის წარმომადგენელმა ნიკო ყარსიმაშვილმა წარადგინა. როგორც გაირკვა, მაღლაკი-გუბისწყლის დამაკავშირებელი ახალი ხიდი 65 მეტრი სიგრძის იქნება, ჯერ არ იგეგმება ძველის დემონტაჟი.
განხილვაზე გამოიკვეთა მოსახლეობის მოთხოვნა, რომ ხიდის სიგანე 6,5 მეტრიდან გაიზარდოს 7 მეტრამდე, რათა უფრო უსაფრთხო იყოს მძიმე ტრანსპორტის გადაადგილება.
გუბისწყლის ხიდის სკოპინგის ანგარიში ნიკო ყარსიმაშვილთან ერთად გარემოსდაცვისა და სოფლის მეურნეობის გარემოსდაცვითი დეპარტამენტის ხელმძღვანელმა ლევან ოზბეთელაშვილმა წარადგინა. მისი ინფორმაციით, ხიდის მშენებლობა სავარაუდოდ სამ თვეში დაიწყება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.