ბაზალეთის ადმინისტრაციულ ერთეულში „სოფლის მხარდაჭერის პროგრამა“ აქტიურ ფაზაშია. სოფელ ჩანადირთკარსა და გრიგოლაანთკარში მოსახლეობის მიერ შერჩეული პროექტები მერის წარმომადგენელმა, მურთაზი ბოდაველმა დაათვალიერა.
დუშეთის მერიის ცნობით, სოფელ გრიგოლაანთკარში ხორციელდება დაზიანებული შიდა გზების რეაბილიტაცია და მათი მოხრეშვა-მოშანდაკება. სამუშაოებს ასრულებს შპს "არქ ბილდინგი".
სოფელ ჩანადირთკარში დაიწყო სასაფლაომდე მისასვლელი გზის რეაბილიტაცია, რომლის სამუშაოებს შპს "თეგი" ახორციელებს.
ბაზალეთის ადმინისტრაციული ერთულის 5 სოფელში (საშაბურო, ყარსიმაანთკარი, გრიგოლაანთკარი, ჩუბინიანთკარი და მლაშე) დასრულდა მოსაცდელი-ფანჩატურების დამონტაჟების სამუშაოები, რომელიც შპს "არგი ჯგუფმა" შეასრულა.
მერის წარმომადგენლის თქმით, სოფლებში არსებული პრობლემების გადაწყვეტა ეტაპობრივად ხდება, მოსახლეობის მიერ დასახელებული პრიორიტეტების მიხედვით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.