გარემოს დაცვისა და სოფლის მეურნეობის მინისტრის მოადგილე იური ნოზაძე ყირგიზეთის რესპუბლიკის საგარეო საქმეთა მინისტრის მოადგილეს, აზიზბეკ მადმაროვს შეხვდა. შეხვედრაზე ორ ქვეყანას შორის სოფლის მეურნეობის მიმართულებით სამომავლო თანამშრომლების საკითხები განიხილეს.
იური ნოზაძემ ყირგიზეთის რესპუბლიკის საგარეო საქმეთა მინისტრის მოადგილეს სოფლისა და სოფლის მეურნეობის განვითარების კუთხით საქართველოში განხორციელებული რეფორმები, ასევე სახელმწიფოს მიერ შემუშავებული პროგრამები გააცნო და აღნიშნა, რომ ქართული მხარე მზად არის ითანამშრომლოს ყირგიზეთის რესპუბლიკასთან გამოცდილების გაზიარების და ურთიერთობების გაღრმავების კუთხით.
შეხვედრაზე მხარეებმა სამომავლო თანამშრომლობის რამდენიმე კონკრეტული მიმართულება განიხილეს, მათ შორის, სასოფლო-სამეურნეო კოოპერაცია, მეცხოველეობა, მემარცვლეობა და მევენახეობა-მეღვინეობა. მხარეები შეთანხმდნენ, რომ საერთო ინტერესების არსებობის შემთხვევაში, ორ ქვეყანას შორის ურთიერთობები სხვა მიმართულებითაც გაღრმავდება.
როგორც ყირგიზეთის რესპუბლიკის საგარეო საქმეთა მინისტრის მოადგილემ, აზიზბეკ მადმაროვმა შეხვედრაზე აღნიშნა, ყირგიზეთსა და საქართველოს შორის თანამშრომლობის განვითარების დადებითი დინამიკა არსებობს. ყირგიზეთის რესპუბლიკაში სოფლის მეურნეობა ერთ-ერთი წამყვანი მიმართულებაა და მისი განვითარებისთვის, საქართველოს წარმატებული გამოცდილების გაზიარება და ამ კუთხით, ურთიერთობების გაღრმავება მნიშვნელოვანი იქნება.
შეხვედრაზე აღინიშნა, რომ სავაჭრო-ეკონომიკური თანამშრომლობის განვითარებისთვის, სასურველია გააქტიურდეს კომუნიკაცია ორი ქვეყნის ბიზნესწრეების წარმომადგენლებს შორის. მხარეები შეთანხმდნენ, რომ ახლო მომავალში დაიგეგმება შეხვედრები გაფართოებულ ფორმატში.
შეხვედრას გარემოს დაცვისა და სოფლის მეურნეობის მინისტრის მოადგილე ხატია წილოსანი, საქართველოს გარემოს დაცვისა და სოფლის მეურნეობის და ყირგიზეთის რესპუბლიკის საგარეო საქმეთა სამინისტროების წარმომადგენლები ესწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.