მთაწმინდის რაიონში ოთხი სპორტული მოედნის რეაბილიტაცია სრულდება. მოედნების კეთილმოწყობა სულხან-საბას და ჯამბულის ქუჩებზე, ასევე, ოქროყანაში, ბ და გ ზონებში მიმდინარეობს.
სპორტული სივრცეები თანამედროვე სტანდარტების შესაბამისად ეწყობა. სამი კომბინირებული, ხოლო ერთი საფეხბურთო მოედანი სრულიად ახალი ინვენტარით აღიჭურვება.
პროექტის ფარგლებში, განახლდა ტრიბუნები და დამონტაჟდა განათების ქსელი, იცვლება ხელოვნური საფარი. ოთხივე მოედნის რეაბილიტაციას შპს „კვადრელი“ ახორციელებს.
სარეკონსტრუქციო სამუშაოების ფინალურ ეტაპს მთაწმინდის გამგებელი, დავით კირკიტაძე, ინფრასტრუქტურის მიმართულებით კურატორ მოადგილესთან ერთად გაეცნო.
სპორტული მოედნების რეაბილიტაციისთვის გამგეობის ბიუჯეტიდან 320 ათასი ლარია გათვალისწინებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.