ამერიკის შეერთებული შტატების პრეზიდენტმა, დონალდ ტრამპმა განაცხადა, რომ თალიბანთან სამშვიდობო მოლაპარაკებები გააუქმა. მან „თვითერზე“ დაწერა, რომ კვირას დაგეგმილი ჰქონდა ავღანეთის პრეზიდენტ აშრაფ ღანთან და თალიბანის წამყვან ლიდერებთან შეხვედრა, მაგრამ გააუქმა აღნიშნული შეხვედრა თავის „კემპ დევიდის“ საპრეზიდენტო რეზიდენციაში მას შემდეგ, რაც თალიბანმა აღიარა, რომ ქაბულში ხუთშაბათს განხორციელებული თავდასხმა, რამაც 12 ადამიანის, მათ შორის ამერიკელი ჯარისკაცის სიცოცხლე იმსხვერპლა, მან განახორციელა.
ორშაბათს ამერიკელმა მომლაპარაკებელმა ზალმეი ხალილზადმა, ყატარის დედაქალაქ დოჰაში აშშ-ის და თალიბანის წარმომადგენლებს შორის 9 რაუდნიანი მოლაპარაკებების გამართვის შემდეგ, სამშვიდობო შეთანხმება თალიბანთან „პრაქტიკულად მიღწეულად“ გამოაცხადა.
„მას შემდეგ, რაც თალიბანმა აღიარა ქაბულის თავდასხმაში მისი მონაწილეობა, რამაც ჩვენი დიდებული, დიდებული ჯარისკაცი მოკლა, მე დაუყოვნებლივ გავაუქმე შეხვედრა და გადავწყვიტე სამშვიდობო მოლაპარაკებების შეჩერება“, განაცხადა ტრამპმა „თვითერზე“.
წარმოდგენილი შეთანხმების მიხედვით შეერთებულ შტატებს 20 კვირის განმავლობაში ავღანეთიდან 5 400 ჯარისკაცის უნდა გაეყვანა, თუმცა ხალილზადის თქმით, აღნიშნულზე საბოლოო თანხმობის გაცემა ჯერ კიდევ ტრამპის ნებაზე იყო დამოკიდებული.
ამერიკის შეერთებულ შტატებს ავღანეთში ამჟამად დაახლოებით 14 000 ჯარისკაცი ჰყავს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.