მამუკა ხაზარაძემ ანაკლიაში განაცხადა, რომ დღეს დაფუძნებულ მოძრაობას „ლელო“ ერქმევა და ის მალე პოლიტიკურ ორგანიზაციად გადაკეთდება.
„ჩვენ ვეძებთ ლიდერებს, წარმატებულ ადამიანებს. ჩვენ მოვძებნით 12 ლიდერს ყველა სფეროში, ყველა სოფელში. ეს ლიდერობა ქართველს ოდითგანვე მოსდევს. 112 წლის წინ 12 რიცხვში ილია ჭავჭავაძე მოკლეს. ილია ჭავჭავაძეც 12 ადამიანს ეძებდა, 12 ინჟინერს, რომ ქვეყანა გადარჩენილიყო“, განაცხადა ხაზარაძემ.
„ლეიბორისტული პარტიის“ ლიდერები და წევრები ხაზარაძის მოძრაობის დაფუძნებას და განცხადებას ასე გამოეხმაურნენ:
შალვა ნათელაშვილი: „ვუყურებ ხაზარაძის პრეზენტაციას ანაკლიაში და მაგონდება ხმელთაშუა ზღვაში, კუნძულ ლამპიდუზაზე გემიდან ახლადჩამოყვანილი, დასველებულ-აბაბანებულ-მობუზული აფრიკელი ემიგრანტები. უბრალოდ ჰუმანიტარული დახმარების ბრიგადა აკლიათ“.
გიორგი გუგავა: „ხაზარაძეს 12 „მოციქულის“ ძებნის ნაცვლად ბანკში 12%-მდე მაინც დაეწია სესხის განაკვეთი უკეთესი იქნებოდა“.
ნინო მეტრეველი: „ზღვა, მზე, ბანკირი, ილია, გალაკტიონი, დოლი და ახალი ოლიგარქის საშობად გამზადებული თორმეტიანთა მოძრაობა“.
ლაშა ჩხარტიშვილი: „დიდმა ხაზარმა“ პარტია დააფუძნა თუ ნაძარცვი ფულის მომლოდინეთა სპორტკლუბი?“
ნიკა ვარდოშვილი: „ესეც ილიას შეედარა. ერთის მაგივრად უკვე ორი ბუმბერაზი გვყვავს. კიდევ ერთი უთანხმოების მიზეზი დაემატათ“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.