ქუთაისში, გენერალ გიორგი კვინიტაძის სახელობის კადეტთა სამხედრო ლიცეუმში 9 წლის იუბილე და ახალი სასწავლო წლის დაწყება აღინიშნა. წელს ლიცეუმში 124 კადეტი ჩაირიცხა, მათ შორის 25 გოგონაა.
ლიცეუმის სამწყობრო მოედანზე შეკრებილ კადეტებს სასწავლო წლის დაწყება და ლიცეუმის იუბილე გენერალ-მაიორმა შალვა ჯაბახიძემ მიულოცა. დღესვე, სამკერდე ნიშნებითა და სერტიფიკატებით წარმატებული კადეტები დაჯილდოვდნენ: საუკეთესო აკადემიური მოსწრებისთვის - 17, საუკეთესო ფიზიკური მომზადებისთვის - 30 და საუკეთესო მსროლელი - 79. ასევე, სერტიფიკატები მიიღეს საუკეთესო კათედრის ხელმძღვანელმა, საუკეთესო პედაგოგმა და საუკეთესო ინსტრუქტორმა. ღონისძიებას დასავლეთის სარდალი, ბრიგადის გენერალი გიორგი მათიაშვილი, ადგილობრივი ხელისუფლების წარმომადგენლები, მოწვეული სტუმრები და კადეტთა მშობლები დაესწრნენ.
გენერალ გიორგი კვინიტაძის სახელობის კადეტთა ლიცეუმი საქართველოში ერთადერთი სამხედრო დაწესებულებაა, რომელიც ახორციელებს სამხედრო მომზადებას და უზრუნველყოფს ზოგადი განათლების მიღებას საშუალო საფეხურზე. ლიცეუმში სასწავლო პროცესი სასწავლო გეგმისა და სამხედრო პროგრამის შესაბამისად მიმდინარეობს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.