პრემიერ მინისტრის დავალებით ტყიბულში მივემგზავრები და დეტალურად გავეცნობით მეშახტეების ხელფასების გაცემასთან დაკავშირებით არსებულ სიტუაციას, - განაცხადა ეკონომიკისა და მდგრადი განვითარების მინისტრმა ნათია თურნავამ მთავრობის სხდომის დასრულების შემდეგ მედიასთან განაცხადა.
ტყიბულში ეკონომიკისა და მდგრადი განვითარების მინისტრი ინვესტორი კომპანია „საქნახშირის“ ხელმძღვანელობასა და მეშახტეებს შეხვდება.
ეკონომიკისა და მდგრადი განვითარების მინისტრის ინფორმაციით, ტყიბულის მეშახტეთა პრობლემების მოგვარება მთავრობისთვის აქტუალური საკითხია. „პრემიერ-მინისტრმა დამავალა, რომ ადგილზე ჩავიდე არა ვითარების გასაცნობად, რადგან ძალიან კარგად ვიცით არსებული ვითარება. მოგეხსენებათ, პირადად მე, წლებია ამ სისტემაში ვმუშაობდი და ვიცი, რა პრობლემები აწუხებს დღეს ჩვენს მეშახტეებს - ამ ძალიან რთული და ამავდროულად საჭირო პროფესიის წარმომადგენლებს. ჩემი დავალებაა, ჩავიდე და კიდევ ერთხელ გავიარო ინვესტორ კომპანიასთან ერთად ყველა დეტალი, თუ რატომ წარმოიქმნა პრობლემა კონკრეტულად ხელფასებთან დაკავშირებით და რა ღონისძიებები უნდა გატარდეს“, - განაცხადა ნათია თურნავამ.
მისივე თქმით, ინვესტორ კომპანიას სიტუაციის დასარეგულირებლად აქვს გარკვეული გეგმა.
„ჩემი დავალებაა მიღებულ იქნას კონკრეტული გადაწყვეტილება პრობლემის სრულად გადასაჭრელად“, - განაცხადა ნათია თურნავამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.