საქართველოს განათლების, მეცნიერების, კულტურისა და სპორტის მინისტრის მოადგილემ გიორგი ვაშაკიძემ DUNE-ის (The Deep Underground Neutrino Experiment) საერთაშორისო კოლაბორაციის ხელმძღვანელებთან პროფ. სტეფან სოლდნერ-რემბოლდთან (მანჩესტერის უნივერსიტეტი, UK), პროფ. ედვარდ ბლაჩერთან (ჩიკაგოს უნივერსიტეტი, USA) სამუშაო შეხვედრა გამართა. შეხვედრას ასევე ესწრებოდნენ DUNE-ის კოლაბორაციის სამეცნიერო საბჭოს თავჯდომარე პროფ. რობერტ ვილსონი (კოლორადოს სახელმწიფო უნივერსიტეტი, USA), ხოლო საქართველოს მხრიდან: საქართველოს ტექნიკური უნივერსიტეტის რექტორი არჩილ ფრანგიშვილი, სტუ კვანტური ფიზიკისა და საინჟინრო ტექნოლოგიების ინსტიტუტის დირექტორი პროფ. არსენ ხვედელიძე და დირექტორის მოადგილე პროფ. ზვიად წამალაიძე.
საერთაშორისო კოლაბორაცია DUNE არის ექსპერიმენტი ღრმა მიწისქვეშა ნეიტრონების შესახებ, რომელიც Fermilab-ში (ელემენტარული ნაწილაკების ფიზიკისა და ამაჩქარებლის ლაბორატორია, USA) ხორციელდება. DUNE-ის სამეცნიერო საბჭოს გადაწყვეტილებით, საქართველოს ტექნიკური უნივერსიტეტი საერთაშორისო კოლაბორაციის წევრი 2019 წლის მაისში გახდა. კოლაბორაციის წევრობა ქართველ მეცნიერებს შესაძლებლობას მისცემს, მონაწილეობა მიიღონ მსოფლიო მასშტაბის ექსპერიმენტში და უახლეს კვლევეში თავიანთი წვლილი შეიოტანონ.
შეხვედრის ფარგლებში DUNE-თან სამომავლო თანამშრომლობის ფორმატი განისაზღვრა. გიორგი ვაშაკიძემ სამინისტროს მხრიდან ექსპერიმენტის მხარდაჭერის მზადყოფნა გამოთქვა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.