გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი აზიის განვითარების ბანკის (ADB) ცენტრალური და დასავლეთ აზიის გარემოს დაცვის, ბუნებრივი რესურსების და სოფლის მეურნეობის დეპარტამენტის უფროსს, დონეთ ვოლტონს შეხვდა.
მინისტრის პირველმა მოადგილემ საქართველოში სოფლის მეურნეობის დარგში განხორციელებულ რეფორმებზე და სახელმწიფოს მიერ დარგის განვითარებისთვის შემუშავებულ პროექტებზე ისაუბრა. გიორგი ხანიშვილმა ყურადღება გაამახვილა სოფლის მეურნეობის ეფექტიანი განვითარების პროცესში საერთაშორისო და დონორი ორგანიზაციების ჩართულობის როლსა და მნიშვნელობაზე.
„ბოლო წლების განმავლობაში, სახელმწიფოს სწორი პოლიტიკის შედეგად, სოფლის მეურნეობის დარგში მნიშვნელოვანი წინსვლა გვაქვს. ჩვენი მიზანია, ქვეყანაში ბიზნესზე ორიენტირებული სოფლის მეურნეობა განვითარდეს, გაიზარდოს წარმოება და შემოსავალი. პოტენციალი ქვეყანაში რეალურად არსებობს. დარგში მსხვილი ინვესტიციების განხორციელებით ამ პოტენციალის ათვისება უფრო სწრაფად და ეფექტიანად მოხდება“, - განაცხადა გიორგი ხანიშვილმა.
როგორც შეხვედრაზე აზიის განვითარების ბანკის (ADB) წარმომადგენელმა, დონეთ ვოლტონმა აღნიშნა, აზიის განვითარების ბანკი საქართველოში სოფლის მეურნეობის მიმართულებით პროექტების განხორციელებას გეგმავს და მათი მიზანია, ქვეყანაში ამ მიმართულებით არსებულ ვითარებას გაეცნონ.
შეხვედრას გარემოს დაცვისა და სოფლის მეურნეობის სამინისტროს შესაბამისი სამსახურების და აზიის განვითარების ბანკის წარმომადგენლები ესწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.